استنبول(پاک ترک نیوز) اس سال کی پہلی ششماہی کے دوران ترکیہ میں یوٹیوب پر سب سے زیادہ تلاش کیے جانے والے الفاظ میں ترک ٹیلی ویژن سیریز سرفہرست رہیں، جن میں "Tasacak Bu Deniz” (تاساجاک بو دنیز) جنوری سے جون تک فہرست میں پہلے نمبر پر رہی۔
یہ نتائج گوگل کے ڈیٹا کے تجزیے سے سامنے آئے ہیں۔ جس سے ظاہر ہوتا ہے کہ ترکیہ کی انٹرنیٹ ٹریفک کا بڑا حصہ یوٹیوب کے ذریعے گزرتا ہے۔ اور یوں اس پلیٹ فارم پر سب سے زیادہ تلاش کی جانے والی اصطلاحات عوامی دلچسپی کا ایک مفید پیمانہ بن جاتی ہیں۔
ترکیہ جو ٹیلی ویژن سیریز اور فلموں کی برآمد کے حوالے سے پہلے ہی بین الاقوامی شہرت رکھتا ہے۔ وہاں یہی رجحان ملکی سطح پر بھی دیکھنے میں آیا۔یوٹیوب پر سب سے زیادہ تلاش کیے جانے والے الفاظ کی فہرست میں ڈراموں کا غلبہ رہا۔
یہ بھی پڑھیں: یو ٹیوب نے کیریئٹرز کی ایک اور بڑی مشکل آسان کردی
مجموعی طور پر پانچ سیریز نے ٹاپ 10 میں جگہ بنائی۔ حال ہی میں سب سے زیادہ زیرِ بحث رہنے والی پروڈکشنز میں سے ایک، "Tasacak Bu Deniz” (تاساجاک بو دنیز)پہلے نمبر پر رہی، جبکہ "Yeralti” (یرالتی) دوسرے نمبر پر آئی۔ "sarkilar” (گانے) کا لفظ تیسرے نمبر پر رہا۔ اس لفظ کی واحد شکل "sarki” (گانا) نے بھی نمایاں درجہ حاصل کیا۔ جس کے بعد "Esref Ruya” اور "araba” (کار) کا نمبر آیا۔
