راولپنڈی ( پاک ترک نیوز) پنڈی ٹیسٹ میں ابتدائی وکٹیں جلد گرنے کے بعد آل راؤنڈر متھوسامی نے ذمہ دارانہ بیٹنگ کرتے ہوئے جنوبی افریقا کو برتری دلوا دی۔سائوتھ افریقہ 404رنز بنا کر آئوٹ ہوگئی ۔ پاکستان کیخلاف 71رنز کی برتری مل گئی ۔
جنوبی افریقا نے 185 رنز 4 کھلاڑی آؤٹ پر تیسرے دن کھیل کا آغاز کیا تو آصف آفریدی کی چوتھی گیند پر کائل ویرین محمد رضوان کو کیچ تھما بیٹھے۔ٹرسٹان اسٹبس 76 اور سائمن ہارمر 2 رنز بناکر آصف آفریدی کا شکار بنے۔
ڈیبیو کرنے والے آصف آفریدی نے پانچ وکٹیں حاصل کرکے پاکستان کی پوزیشن مستحکم کردی تھی تاہم سینوران متھوسامی نے کیریئر بیسٹ اننگز کھیل کر پاکستان کی میچ پر گرفت کمزور کردی۔
متھوسامی نے کیشو مہاراج (30)کے ہمراہ نویں وکٹ پر71 رنز کی پارٹنرشپ کی جبکہ ربادا کے ہمراہ دسویں وکٹ پر 97 رنز کی پارٹنرشپ کرچکے ہیں۔متھوسامی 89 اور کگیسو ربادا 70 رنز بناکر کریز پر موجود ہیں۔
پاکستان کی جانب سے آصف آفریدی نے 5، نعمان علی نے 2 جبکہ شاہین آفریدی اور ساجد خان نے ایک ایک وکٹ حاصل کی۔
آصف آفریدی پاکستان کی جانب سے ڈیبیو پر پانچ وکٹیں حاصل کرنے والے دوسرے لیفٹ آرم اسپنر بن گئے ہیں۔
