دبئی ( پاک ترک نیوز) انڈر 19ایشیا کپ کے پہلے میچ میں پاکستان نے 297رنز کے مارجن سے بڑی کامیابی حاصل کرلی ۔ دبئی میں کھیلے جا رہے انڈر 19ایشیا کپ کے اپنے پہلے میچ میں پاکستان نے ملائیشیا کو 297رنز کے بڑے مارجن سے شکست سے دوچار کردیا ۔
ایشیا کپ انڈر 19کے دوسرے میچ میں ملائیشیا نے ٹاس جیت کرپہلے بائولنگ کا فیصلہ کیا ۔
پاکستان انڈر 19نے پہلے بیٹنگ کرتے ہوئے 345رنز کا پہاڑ کھڑا کردیا ۔سمیر منہاس نے 177جبکہ احمد حسین نے 132رنزکی دلکش اننگز کھیلی ۔
ملائیشیا کی پوری ٹیم مقررہ 346رنز کے ہدف کے جواب میں 48رنز بنا کر پویلین لوٹ گئی ۔ ملائیشیا کا کوئی بھی بلے باز ڈبل فیگر میں داخل نہیں ہوسکا ۔
واضح رہے کہ ایشیاکپ انڈر 19میں پاکستان 14دسمبر کوروایتی حریف بھارت کے مد مقابل آئے گا ۔
