مردان ( پاک تر ک نیوز) مردان میں پاک فضائیہ کا تربیتی طیارہ گر کر تباہ ہوگیا ،حادثے میں2پائلٹ شہید ہوگئے۔
مردان میں پاک فضائیہ کا تربیتی طیارہ گر کر تباہ ہو گیا ، پاک فضائیہ کے فلائٹ لیفٹیننٹ محمد قاسم عبداللہ اور پاک بحریہ کے لیفٹیننٹ طحہ عباسی شہید ہو گئے
آئی ایس پی آر کے مطابق پاک فضائیہ کا تربیتی طیارہ معمول کی تربیتی پرواز کے دوران مردان کے قریب حادثے کا شکار ہو گیا۔ حادثے کی وجوہات جاننے کے لیے ایئر ہیڈکوارٹرز نے بورڈ آف انکوائری تشکیل دے دیا
آئی ایس پی آر کے مطابق مسلح افواج پاکستان نے شہداء کے اہل خانہ سے گہرے دکھ اور افسوس کا اظہار کیا، پاک فوج کے سربراہ اور دیگر اعلیٰ حکام نے شہداء کو خراجِ عقیدت پیش کیا۔
وفاقی وزیرداخلہ محسن نقوی نے پاک فضائیہ کا تربیتی طیارہ گرنے کے حادثے پر افسوس کا اظہار کیا ہے ، جام شہادت نوش کرنے والے دونوں پائلٹس کیپٹن قاسم اور کیپٹن طلحہ کو خراج عقیدت پیش کیا ہے
وزیر داخلہ محسن نقوی نے کہا پائلٹس کیپٹن قاسم اور کیپٹن طلحہ نے شہادت کا عظیم رتبہ پایا۔ہماری تمام تر ہمدردیاں دونوں شہید پائلٹس کے لواحقین کے ساتھ ہیں۔وزیر داخلہ محسن نقوی نے حادثے میں زخمی ہونے والے 3 افراد کی جلد صحتیابی کیلئے دعا کی ہے۔
