پاکستان میں گیس کی قیمتوں میں اضافے کا امکان

اسلام آباد (پاک ترک نیوز )آبنائے ہرمز کی بندش سے مئی تک آنے والے ایل این جی کے 22 کارگوز رک گئے،ایل این جی کی درآمد رکنے سے ملک میں گیس قیمتوں میں بڑے اضافے کا خدشہ پیدا ہو گیا ۔
درآمدی ایل این جی کی بندش سے گیس سیکٹر کا ریونیو شارٹ فال بڑھنے کا خدشہ ہے ،ذرائع کے مطابقریونیو اہداف پورے کرنے کیلئے گیس کی قیمتوں میں بڑے اضافے کا امکان ہے،رواں سال سوئی گیس کمپنیوں کا ریونیو ہدف 852 ارب روپے سے زائد ہے۔
سوئی ناردرن کا ریونیو ہدف 515 ارب، سوئی سدرن کا ہدف 347 ارب روپے ہے،گیس کمپنیوں کو 40 فیصد سے زائد ریونیو فرٹیلائزرز پاور سیکٹر سے آتا ہے،کیپٹو پاور پلانٹس سی این جی سے بھی گیس سیکٹر کو زیادہ ریونیو آتا ہے،ٹیرف میں فرق کراس سبسڈی ختم کی گئی تو گھریلو صارفین کی گیس بہت مہنگی ہوگی،پاور سیکٹر کو اضافی گیس دینے سے گھریلو سیکٹر میں لوڈ شیڈنگ بھی شروع کر دی گئی۔