پہلاٹی ٹونٹی : بنگلہ دیش کے ہاتھوں پاکستان کو شکست کا سامنا

میر پور (پاک ترک نیوز) بنگلہ دیش نے پہلے ٹی ٹونٹی میچ میں پاکستان کو شکست سے دوچار کردیا ۔بنگلہ دیش کو تین میچوں پر مشتمل سیریز میں ایک صفر کی برتری حاصل ہو گئی ہے ۔
میر پور کے شیربنگلہ سٹیڈیم میں کھیلے جا رہے تین میچوں پرمشتمل سیریز کے پہلے ٹی ٹونٹی میچ میں بنگلہ دیش نے ٹاس جیت کر پہلے بائولنگ کا فیصلہ کیا ۔
پاکستان نے پہلے کھیلے ہوئے 19.3اوورز میں 110رنز بنائے تھے اور پوری ٹیم پویلین لوٹ گئی۔
پاکستان کی جانب سے فخر زمان 44،عباس آفریدی 22جبکہ خوشدل شاہ 17رنز بناپائے اس کے علاوہ کوئی بھی کھلاڑی ڈبل فیگر میں بھی داخل نہیں ہو سکا ۔
بنگلہ دیش کی جانب سے تسکین احمد نے 3جبکہ مستفیض الرحمان نے دو کھلاڑی کو پویلین کی راہ دکھائی ۔
بنگلہ دیش نے پاکستان کی جانب سے دیا گیا 111رنز ہدف تین وکٹوں کے نقصان پر پورا کرلیا ۔
بنگلہ دیش کی جانب سے پرویزحسین نے 56جبکہ توحید ہارڈی نے 36رنز سکور کئے ۔
پاکستان کی جانب سے ڈیبیو کرنیوالے سلمان نے 2جبکہ عباس آفریدی نے ایک وکٹ حاصل کی ۔
سیریز کا دوسرا ٹی ٹونٹی میچ 22جبکہ تیسرا اور آخری ٹی ٹونٹی میچ 24جولائی کو کھیلا جائے گا ۔