اسلام آباد ( پاک ترک نیوز) وفاقی وزیر خزانہ محمد اورنگزیب نےمالی سال دو ہزار پچیس ،چھبیس کا اقتصادی سروے پیش کر دیا،کہتے ہیں رواں مالی سال کےپہلےماہ میں غیریقینی صورتحال کاسامنا تھا،اندرونی وبیرونی چیلنجز کےباوجودملکی معیشت نےبہترکارکردگی دکھائی، حکومت بحرانوں سےنبردآزماہونےمیں کامیاب رہی۔
وزیر خزانہ نے کہا معاشی ترقی کی شرح نمو3.7فیصد رہی،پاکستانی معیشت کاحجم452ارب ڈالرسےاوپرچلاگیا، زرعی شعبےکی شرح نمو2.89فیصدرہی،ڈیری اورلائیواسٹاک کازرعی معیشت میں60فیصدحصہ ہے۔
جولائی تا مارچ پرائمری سرپلس جی ڈی پی کا 3.2 فیصد ریکارڈ کیا گیا۔ ملک کا مجموعی قرضہ جی ڈی پی کے مقابلے میں کم ہو کر 68.5 فیصد پر آ گیا، جولائی تا مئی اوسطاً مہنگائی کی شرح 6.7 فیصد ریکارڈ کی گئی۔
وزیر خزانہ نے کہا 29 مئی 2026 تک زرمبادلہ کے ذخائر 17.2 ارب ڈالر کی سطح پر پہنچ گئے، زرمبادلہ کے ذخائر میں سالانہ بنیادوں پر 49 فیصد کا شاندار اضافہ ریکارڈ کیا گیا ، پاکستان کا کرنٹ اکاؤنٹ خسارہ نمایاں کمی کے بعد محض 252 ملین ڈالر رہ گیا۔
وزیر خزانہ نے کہا پاکستان کے پاس 2.75 ماہ کی درآمدات کا احاطہ کرنے کے لیے امپورٹ کور موجود ہے، جولائی تا مئی اوورسیز پاکستانیوں نے 33.9 ارب ڈالر کی ریکارڈ ترسیلاتِ زر بھجوائیں۔اپریل 2026 میں ایک ماہ کے دوران 4.3 ارب ڈالر کی تاریخی ترسیلات حاصل ہوئیں آئی ٹی اور ٹیک برآمدات جولائی تا اپریل 3.8 ارب ڈالر تک پہنچ گئیں۔
وزیر خزانہ محمد اورنگزیب نے کہا آئی ٹی برآمدات میں فری لانسرز کا حصہ 959 ملین ڈالر رہا، 1 ارب ڈالر کے قریب پہنچ گیا۔روشن ڈیجیٹل اکاؤنٹ میں جمع رقم 12.7 ارب ڈالر کی تاریخی سطح کو چھو گئی،پاکستان اسٹاک ایکسچینج میں انویسٹر بیس بڑھ کر 5 لاکھ 63 ہزار سے تجاوز کر گئی، رواں سال اب تک ریکارڈ 11 نئی کمپنیوں کی اسٹاک ایکسچینج میں لسٹنگ ہوئی۔
وزیر خزانہ کے ماطبق ملک میں 39,000 سے زیادہ نئی کمپنیاں رجسٹرڈ، مجموعی تعداد 2 لاکھ 97 ہزار سے اوپر ہے، نجی شعبے کے قرضوں میں جولائی تا مارچ 934 ارب روپے کا اضافہ دیکھا گیا، زرعی شعبے کے لیے جولائی تا مارچ 2,162 ارب روپے کے قرضے فراہم کیے گئے۔
وزیرخزانہ نے کہا غریب خاندانوں کے لیے بی آئی ایس پی کا بجٹ بڑھا کر 722.5 ارب روپے کر دیا گیا، پی آئی اے، ایف ڈبلیو بی ایل اور ڈسکوز سمیت سرکاری اداروں کی نجکاری پر کام تیز کیا گیا، وزارتوں کے انضمام اور پی ڈبلیو ڈی سمیت متعدد محکموں کو بند کرنے کے لیے رائٹ سائزنگ شروع کی گئی۔
