ژانگ یمنگ بھارتی بزنس ٹائیکون کو پیچھے چھوڑ کر ایشیا کے دوسرے امیر ترین شخص بن گئے
بیجنگ ( پاک ترک نیوز) چین کے ژانگ یمنگ کی کمپنی بائٹ ڈانس کی ویلیو ایشن میں نمایااضافہ ہو گیا، ژانگ یمنگ بھارتی بزنس ٹائیکون کو پیچھے چھوڑ کر ایشیا کے دوسرے امیر ترین شخص بن گئے جبکہ مکیش امبانی تیسرے نمبرپر چلے گئے۔
تفصیلات کےمطابق چین کے ژانگ یمنگ نے مکیش امبانی کو پیچھے چھوڑ دیا۔
بلومبرگ بلینئرز انڈیکس کے مطابق ژانگ یمنگ کی مجموعی دولت 92.8 ارب ڈالر اور مکیش امبانی کی دولت 86.9 ارب ڈالر ہے ، گوتم اڈانی ایک سو سترہ اعشاریہ چار اب ڈالر کے ساتھ ایشیا کے امیر ترین شخص ہیں ۔
ژانگ یمنگ کی کپنی بائٹ ڈانس کی کامیابی کی وجہ ٹک ٹاک کی عالمی کامیابی ہے ، ماہرین کے مطابق AI سیکٹر میں کمپنی کی جارحانہ سرمایہ کاری بھی اس ترقی کا اہم سبب ہے۔
رپورٹس کے مطابق کپنی بائٹ ڈانس اے آئی سیکٹر میں 70 ارب ڈالر تک سرمایہ کاری کی منصوبہ بندی کر رہی ہے ۔اس کا مقصد چین اور عالمی مارکیٹ میں اے آئی قیادت حاصل کرنا ہے ،کمپنی کی آمدن کا بڑا حصہ 2025 کے منافع سے آئے گا
امریکی مارکیٹ میں ٹاک پر پابندی کے خدشات کے باعث کچھ دباؤ رہا ۔تاہم امریکی آپریشنز کی تنظیم نو کے بعد سرمایہ کاروں کا اعتماد بحال ہوا ۔اسی وجہ سے کمپنی کی ویلیو ایشن میں اضافہ ہوا ۔ماہرین کے مطابق بائٹ ڈانس کی مضبوط بنیادی کارکردگی ترقی کی اصل وجہ ہے۔
یہ بھی پڑھیں: 20مربع کلو میٹر مصنوعی جزیرے پر میگا ایئر پورٹ ،چین کا انجینئرنگ کا شاہکار،دنیا حیران
