اسلام آباد ( پاک ترک نیوز) یکم جولائی 2026 سے تمام پاسپورٹ دفاتر میں نقد فیس وصولی کا نظام ختم۔ پاسپورٹ فیس ڈیجیٹل ذرائع سے ادا کرنی ہوگی۔
ڈی جی امیگریشن اینڈ پاسپورٹس محمد علی رندھاوا کی زیر صدارت اجلاس میں بریفنگ میں بتایا گیا پاسپورٹ فیس صرف کیو آر کوڈ کے ذریعے ڈیجیٹل ادائیگی قبول کی جائے گی۔اس کے لیے جلد ہی پاسپورٹ موبائل ایپ” متعارف کروائی جارہی ہے۔
نئے نظام کے تحت اندرون وبیرون مقیم پاکستانی گھربیٹھے پاسپورٹ کی درخواست جمع کرواسکیں گے جبکہ پاسپورٹ درخواست گزار اپنا پاسپورٹ اپنی دہلیز پر وصول کرسکیں گے۔
یہ بھی پڑھیں: پاسپورٹس کی عالمی درجہ بندی میں پاکستان کی بہتری
حکام کے مطابق ڈائریکٹوریٹ جنرل امیگریشن اینڈ پاسپورٹس آئندہ سے صرف ای پاسپورٹس جاری کرے گا جبکہ موجودہ تمام مشین ریڈ ایبل پاسپورٹس اپنی مقررہ مدت تک مکمل قابلِ استعمال اورقابلِ قبول رہیں گے۔
