اسلام آباد ( پاک ترک نیوز) پاکستان ٹیلی کمیونیکشن اتھارٹی نے غیرقانونی موبائل سمز کی فروخت کی روک تھام کیلئے اہم اقدامات کرتے ہوئے رات 12 بجے سے صبح 6 بجے تک موبائل سمز کی فروخت پر پابندی لگا دی ۔
پی ٹی اے کی جانب سے تمام موبائل کمپنیوں، فرنچائزز اور ریٹیلرز کو ہدایات پر فوری عملدرآمد کا حکم دے دیا گیا ۔
ترجمان پی ٹی اے کے مطابق رات گئے سمز فروخت کرنے والوں کے خلاف سخت قانونی کارروائی عمل میں لائی جائے گی۔پی ٹی اے نے شہریوں کو ہدایت کی ہے کہ وہ صرف مجاز مراکز سے مقررہ اوقات میں موبائل سمز خریدیں اور بائیومیٹرک تصدیق کے بغیر کسی بھی موبائل سم کی ایکٹیویشن نہ کی جائے۔
رات 12سے صبح 6بجے تک موبائل سمز کی فروخت پر پابندی
