لاہور( پاک ترک نیوز) پاکستان نے بنگلہ دیش کیخلاف ٹی ٹونٹی سیریز کیلئے 15سکواڈ کا اعلان کردیا ۔
سلمان علی آغا کو ٹیم کی قیادت سونپی گئی ہے جبکہ نائب کپتان کا انتخاب نہیں کیا گیا ہے ۔
بابراعظم ،محمد رضوان ، شاہین شاہ آفریدی ، حارث رئوف اور نسیم شاہ کو سکواڈ میں شامل نہیں کی گیا ہے ۔
دونوں ٹیموں کے درمیان تین ٹی ٹونٹی میچز کھیلے جائیں گے ۔ پہلا میچ 20، دوسرا 22جبکہ تیسرا اور آخری ٹی ٹونٹی میچ 24جولائی کو ڈھاکہ میں کھیلا جائے گا ۔
سیریز سے قبل قومی ٹیم کا کیمپ کراچی کے نیشنل بینک سٹیڈیم میں کل سے شروع ہو گا ۔ کھلاڑی آج کیمپ کیلئے رپورٹ کریں گے ۔تربیتی کیمپ 15جولائی تک جاری رہے گا پاکستانی ٹیم 16جولائی کو بنگلہ دیش روانہ ہو گی۔
قومی سکواڈ میں دو وکٹ کیپرز کو شامل کیا گیا ہے ۔ محمد حارث اور صاحبزادہ فرحان بطور وکٹ کیپرز سکواڈ کا حصہ ہوں گے ۔
سکواڈ ان کھلاڑیوں پر مشتمل ہے ۔سلمان علی آغا (کپتان)، ابرار احمد، احمد دانیال، فہیم اشرف، فخر زمان، حسن نواز، حسین طلعت، خوشدل شاہ، محمد عباس آفریدی، محمد حارث (وکٹ کیپر)، محمد نواز، صاحبزادہ فرحان (وکٹ کیپر)، صائم ایوب، سلمان مرزا اور سفیان مقیم کو سکواڈ کا حصہ بنایا گیا ہے ۔
دورہ بنگلا دیش کے بعد پاکستان ٹیم امریکہ کیلئے روانہ ہوگی۔
پاکستان اور ویسٹ انڈیز کے درمیان 3 میچز پر مشتمل ٹی 20 سیریز فلوریڈا میں یکم تا 4 اگست کھیلی جائے گی، بعدازاں دونوں ممالک کے درمیان ون ڈے سیریز 8 سے 12 اگست تک ٹرینیڈاڈ اینڈ ٹوباگو میں منعقد ہوگی۔
پاکستان نے بنگلہ دیش کیخلاف ٹی ٹونٹی سیریز کیلئے 15رکنی سکواڈ کا اعلان کردیا
