اسلام آباد ( پاک ترک نیوز) نائب وزیراعظم اور وزیر خارجہ اسحاق ڈار کا ازبکستان کے وزیر خارجہ بختیار سیدوف سے ٹیلیفونک رابطہ ہوا ہے۔ترجمان دفتر خارجہ کے مطابق دونوں رہنماؤں کے درمیان آئندہ کثیرالجہتی روابط اور مختلف اجلاسوں سے متعلق امور پر تبادلہ خیال کیا گیا، جبکہ اسلام آباد میں ہونے والے اقتصادی تعاون تنظیم (ای سی او) کے وزرائے خارجہ کونسل کے اجلاس کے معاملات بھی زیرِ بحث آئے۔
یہ بھی پڑھیں: جاپان کا پاکستان کے انسدادِ پولیو پروگرام کے لیے 43 لاکھ ڈالر گرانٹ کا اعلان
دونوں رہنماؤں نے پاکستان اور ازبکستان کے درمیان دوطرفہ تعاون مزید مضبوط بنانے کے عزم کا اعادہ کیا، جبکہ کثیرالجہتی فورمز پر باہمی رابطہ کاری بہتر بنانے پر بھی اتفاق کیا گیا۔
