دبئی (پاک ترک نیوز )دبئی کے حکمران شیخ محمد بن راشد المکتوم نے غزہ کے بے گھر فلسطینیوں کے لیے 50 ہزار افراد کو خیمے فراہم کرنے کا اعلان کیا ہے۔
غیر ملکی میڈیا کے مطابق شیخ محمد بن راشد المکتوم نے متعلقہ حکام کو ہدایت کی ہے کہ امارات کی جانب سے متاثرہ فلسطینی خاندانوں کو خیمے فراہم کیے جائیں۔
انہوں نے کہا کہ خیموں کی تقسیم اماراتی امدادی مشن برائے غزہ کے تحت کی جائے گی۔
دوسری جانب اقوام متحدہ نے خبردار کیا ہے کہ غزہ کے باہر ڈیڑھ لاکھ خیمے داخلے کے منتظر ہیں، جبکہ غزہ میں پناہ گاہوں اور سردی سے بچاؤ کے ضروری سامان کے ذخائر ختم ہو چکے ہیں۔
اقوام متحدہ کے مطابق بے گھر فلسطینیوں کو شدید سردی سے بچانے کے لیے فوری طور پر خیموں اور دیگر امدادی سامان کی ضرورت ہے۔
عالمی ادارے نے مطالبہ کیا ہے کہ غزہ میں امدادی سامان کی ترسیل پر عائد پابندیاں ختم کی جائیں تاکہ متاثرہ فلسطینی خاندانوں تک بروقت امداد پہنچائی جا سکے۔
