کراچی ( پاک ترک نیوز) کراچی میں جوڈیشل مجسٹریٹ شرقی کی عدالت نے اینکر اقرار الحسن کے خلاف سوشل میڈیا پر ریاست مخالف مواد کی تشہیر کے مقدمے میں فردِ جرم عائد کرنے کے لیے 20 نومبر کی تاریخ مقرر کردی۔اقرار الحسن اپنے وکلا کے ہمراہ عدالت میں پیش ہوئے، جہاں عدالت نے انہیں مقدمے کی نقول فراہم کردیں۔عدالت نے ملزم کو آئندہ سماعت پر حاضری یقینی بنانے کی ہدایت بھی کی ہے۔جوڈیشل مجسٹریٹ شرقی پہلے ہی نیشنل سائبر کرائم انویسٹی گیشن ایجنسی (این سی سی آئی اے) کے عبوری چالان کو حتمی قرار دے چکے ہیں۔
یہ بھی پڑھیں: ازدواجی زندگی میں تشدد اور جنسی زیادتی کے خلاف الگ قانون سازی کی درخواست خارج
اقرار الحسن کے خلاف سوشل میڈیا پر مبینہ طور پر ریاست مخالف مواد کی تشہیر کا مقدمہ این سی سی آئی اے نے درج کر رکھا ہے، جبکہ وہ اس مقدمے میں ضمانت پر ہیں۔
