گلگت(پاک ترک نیوز) گلگت بلتستان کے شہری علاقوں میں بلدیاتی انتخابات 5 دسمبر کو ہوں گے، لوکل گورنمنٹ ایکٹ میں ضروری ترامیم کے بعد انتخابی شیڈول جاری کر دیا گیا ہے۔
گلگت بلتستان میں بلدیاتی انتخابات چار مراحل میں مکمل کیے جائیں گے، جن کے ذریعے شہری علاقوں میں مقامی حکومتوں کے نمائندے منتخب ہوں گے۔
انتخابی منصوبے کے مطابق گلگت، اسکردو اور چلاس کی میونسپل کارپوریشنز میں براہ راست ووٹنگ کے ذریعے نمائندوں کا انتخاب کیا جائے گا۔
یہ بھی پڑھیں: ہم جنگ پسند نہیں، لیکن کسی بھی جارحیت کا بھرپور جواب دیں گے، ایران کا دوٹوک مؤقف
بلدیاتی نظام میں خواتین، نوجوانوں، غیر مسلموں اور خصوصی افراد کے لیے بھی نشستیں مختص کی گئی ہیں تاکہ مقامی حکومتوں میں مختلف طبقات کی نمائندگی یقینی بنائی جا سکے۔
