لاہور( پاک ترک نیوز) لاہور ٹیسٹ میں جنوبی افریقی ٹیم 277 رنز کے ہدف کے تعاقب میں مشکلات کا شکار ہے۔
چوتھے روز کھیل کا آغاز ہوا تو پہلی اننگز کے سنچورین ٹونی ڈی زورزی (16) تیسری ہی گیند پر شاہین آفریدی کے ہاتھوں ایل بھی ڈبلیو ہوگئے۔
55 رنز کے مجموعی اسکور پر ٹرسٹان سٹبس نعمان علی کا شکار بن گئے۔
رائن ریکلٹن اور ڈیوالڈ بریوس نے 73 رنز کی پارٹنرشپ کرکے اپنی ٹیم کو جیت کی کچھ امید دلائی تاہم ڈیوالڈ بریوس 54 رنز پر نعمان علی کی شاندار گیند پر بولڈ ہوگئے۔
ان کے آؤٹ ہونے کے بعد مجموعی اسکور میں صرف 6 رنز کے اضافے کے بعد رائن ریکلٹن (45) بھی پویلین لوٹ گئے۔
کھانے کے وقفے تک جنوبی افریقا نے 6 وکٹوں کے نقصان پر 137 رنز بنالیے ہیں اور اسے جیت کے لیے مزید 140 رنز درکار ہیں۔
پاکستان کی جانب سے نعمان علی نے چار جبکہ شاہین آفریدی اور ساجد خان نے ایک ایک وکٹ حاصل کی ہے۔
لاہور ٹیسٹ: جنوبی افریقہ مشکلات کا شکار ،پاکستان کو جیت کیلئے 4وکٹیں درکار
