کوئٹہ(پاک ترک نیوز)وزیراعلیٰ بلوچستان سرفراز بگٹی نے کہا ہے کہ بلوچ نوجوانوں کو ایک سازش کے تحت لاحاصل جنگ میں دھکیلا جا رہا ہے، ہماری کوشش ہے کہ نوجوانوں کو جنگ کے بجائے معاشرے کا فعال شہری بنایا جائے اور انہیں کھیلوں جیسی صحت مند سرگرمیوں کی جانب راغب کیا جائے۔
کوئٹہ میں آل پاکستان وزیراعلیٰ بلوچستان گولڈ کپ فٹبال ٹورنامنٹ کی اختتامی تقریب کے بعد میڈیا سے گفتگو کرتے ہوئے سرفراز بگٹی نے کہا کہ عوام میں جانے کے حوالے سے قائم کیے گئے تاثر کو عوام سے بھرے اسٹیڈیم میں ہماری موجودگی نے غلط ثابت کر دیا ہے۔
وزیراعلیٰ بلوچستان نے کہا کہ ایک صوبے کے وزیراعلیٰ بار بار بلوچستان کی مثال دیتے ہیں، لیکن ہم دہشت گردی کے خلاف جنگ میں ریاست اور ریاستی اداروں کے ساتھ کھڑے ہیں۔
انہوں نے سیاسی مخالفین پر تنقید کرتے ہوئے کہا کہ فرق صرف اتنا ہے کہ کچھ لوگ عوام کو ایک شہر پر چڑھائی کے لیے اکٹھا کرتے
یہ بھی پڑھیں :خیبرپختونخوا کے وسائل سیاسی احتجاج کی نذر، شہریوں کے پی ٹی آئی حکومت کی ترجیحات پر سوالات ہیں، جبکہ ہم نوجوانوں کو کھیلوں کے میدانوں میں جمع کرتے ہیں۔
سرفراز بگٹی نے ایک صوبے کے وزیراعلیٰ کو مشورہ دیا کہ وہ لوگوں کو احتجاج کے بجائے کھیلوں اور ثقافتی میلوں کے لیے اکٹھا کریں تاکہ نوجوانوں کو مثبت سرگرمیوں کے مواقع فراہم کیے جا سکیں۔
انہوں نے کہا کہ دہشت گردی کے خلاف جنگ میں سیکیورٹی فورسز کے ساتھ کھڑے ہیں اور اس جنگ میں کامیابی ریاست پاکستان کی ہوگی۔ ان کا کہنا تھا کہ بلوچستان حکومت نوجوانوں کو مثبت سرگرمیوں کی جانب لانے اور صوبے میں امن کے قیام کے لیے اپنی کوششیں جاری رکھے گی۔
