اسلام آباد(پاک ترک نیوز )پاکستان بار کونسل کا کہنا ہے احسن بھون سمیت پاکستان بار کونسل کے تمام کامیاب ممبران کی ڈگریاں اصلی ہیں، اٹارنی جنرل پاکستان نے بار کونسل انتخابات 2020 کے بعد کامیاب امیدواروں کی ڈگریاں براہِ راست متعلقہ جامعات سے تصدیق کرائی تھیں۔پاکستان بار کونسل کے مطابق ڈگریوں کی تصدیق مکمل ہونے کے بعد کامیاب امیدواروں کو بطور ممبران پاکستان بار کونسل باقاعدہ طور پر نوٹیفائی کیا گیا۔بار کونسل کے مطابق پاکستان بار کونسل انتخابات 2025 کے بعد بھی ریٹرننگ افسر نے منتخب ممبران کی ڈگریوں کی تصدیق کا عمل دوبارہ شروع کیا۔
گزشتہ انتخابات میں تصدیق شدہ ڈگریاں بھی دوبارہ تصدیق کے لیے متعلقہ جامعات اور ہائر ایجوکیشن کمیشن کو بھجوائی گئیں۔پاکستان بار کونسل کے مطابق متعلقہ جامعات نے محمد احسن بھون سمیت پاکستان بار کونسل کے تمام منتخب ممبران کی ڈگریوں کی تصدیق کردی۔بار کونسل کا کہنا ہے کہ ڈگریوں کے اصلی ہونے کی مکمل تصدیق اور یقینی دہانی کے بعد ہی منتخب ممبران کے نوٹیفکیشن جاری کیے گئے۔
یہ بھی پڑھیں: مینز انڈر 19 ایشیا کپ کا شیڈول ، پاکستان اور بھارت 8 نومبر کو آمنے سامنے ہوں گے
پاکستان بار کونسل نے واضح کیا کہ محمد احسن بھون سمیت تمام کامیاب امیدواروں کی ڈگریوں کی تصدیق کا عمل طے شدہ قانونی اور انتظامی طریقہ کار کے مطابق مکمل کیا گیا ہے۔
