اسلام آباد(پاک ترک نیوز ) حکومت پاکستان نے پمز ہسپتال میں آتشزدگی کے واقعے میں جاں بحق ہونے والے نومولود بچوں کے لواحقین کے لیے فی کس 50 لاکھ روپے مالی معاوضے کا اعلان کر دیا۔
وزارت اطلاعات کے مطابق وفاقی حکومت متاثرہ خاندانوں کے غم اور دکھ میں برابر کی شریک ہے، مالی معاوضہ قیمتی انسانی جانوں کا نعم البدل نہیں۔
وزارت اطلاعات نے کہا کہ جاں بحق ہونے والے بچے واپس نہیں لائے جا سکتے، تاہم حکومتی معاونت غمزدہ خاندانوں کی مشکلات کم کرنے اور ان کے دکھ میں کچھ مداوا کرنے کی کوشش ہے۔
حکومت نے متاثرہ خاندانوں کو ہر ممکن تعاون اور معاونت فراہم کرنے کے عزم کا بھی اظہار کیا ہے۔
