لاہور( پاک ترک نیوز) وزیراعلیٰ پنجاب مریم نواز شریف نے نیپال میں طوفانی بارشوں اور شدید سیلاب کے باعث قیمتی انسانی جانوں کے ضیاع اور بڑے پیمانے پر ہونے والے مالی نقصان پر گہرے افسوس کا اظہار کیا ہے۔وزیراعلیٰ مریم نواز شریف نے سیلاب سے متاثرہ نیپالی خاندانوں سے ہمدردی اور تعزیت کا اظہار کرتے ہوئے کہا کہ نیپال میں شدید بارشوں اور سیلاب کے باعث قیمتی جانوں کا ضیاع اور بڑے پیمانے پر تباہی انتہائی تکلیف دہ ہے۔
یہ بھی پڑھیں: نیپال اور تبت میں سیلاب و لینڈ سلائیڈنگ، 165 افراد جاں بحق
مریم نواز شریف نے کہا کہ مشکل کی اس گھڑی میں پنجاب کے عوام اپنے مصیبت زدہ نیپالی بہن بھائیوں کے ساتھ کھڑے ہیں۔انہوں نے متاثرہ خاندانوں کی جلد بحالی اور زخمیوں کی جلد صحتیابی کے لیے دعا کرتے ہوئے کہا کہ انسانی ہمدردی کے تحت پنجاب حکومت نیپال حکومت کے ساتھ ہر ممکن تعاون کے لیے تیار ہے۔
