لاہور( پاک تر ک نیوز) پاکستان کی ویمن کرکٹر اور فاسٹ بولر ایمن انور نے فوری طور پر انٹرنیشنل کرکٹ سے ریٹائرمنٹ کا اعلان کردیا۔پاکستان کرکٹ بورڈ کے مطابق ایمن انور نے قومی ٹیم کی جانب سے 8 ون ڈے اور 37 ٹی ٹوئنٹی میچز کھیلے۔ریٹائرمنٹ کے بعد ایمن انور نے کرکٹ ریفری کے طور پر نئی ذمہ داریاں سنبھال لی ہیں اور کراچی میں جاری نیشنل ویمنز انڈر 19 ٹورنامنٹ میں ویمن ریفری کی حیثیت سے اپنا ڈیبیو بھی کرلیا ہے۔
پی سی بی کے مطابق ایمن انور نے رواں سال جنوری میں کرکٹ ریفری کے انڈکشن کورس کو کامیابی سے مکمل کیا تھا۔یوں ایمن انور نے کھیل کے میدان میں اپنے کیریئر کا ایک باب بند کرکے کرکٹ میں بطور ریفری اپنی نئی اننگز کا آغاز کردیا ہے۔
یہ بھی پڑھیں: پاکستان، انگلینڈ دوسرا ٹیسٹ کل شروع ہو گا، عمر گل کو کم بیک کا یقین
