لاہور (پاک ترک نیوز )پاکستان اور انگلینڈ کے درمیان ٹیسٹ سیریز سے قبل قومی ٹیم کو بڑا دھچکا لگ گیا، اسٹار بیٹر بابر اعظم انجری کے باعث انگلینڈ کے خلاف پہلے ٹیسٹ میچ سے باہر ہوگئے۔
بابر اعظم کی غیر موجودگی میں سلمان علی آغا پاکستان ٹیم کی قیادت کریں گے۔پاکستان ٹیسٹ ٹیم کے ہیڈ کوچ سرفراز احمد نے بابر اعظم کے پہلے ٹیسٹ میں عدم شرکت کی تصدیق کردی ہے۔
یہ بھی پڑھیں:رفتار نہیں، فنکاری! انگلینڈ میں پاکستان کی امیدوں کا محور محمد عباس
سرفراز احمد کے مطابق بابر اعظم پریکٹس میچ کے دوران دائیں ہاتھ کی انگلی پر گیند لگنے کے باعث انجری کا شکار ہوئے، جس کے باعث وہ پہلے ٹیسٹ میں قومی ٹیم کا حصہ نہیں ہوں گے۔
قومی ٹیم انتظامیہ کو امید ہے کہ بابر اعظم انجری سے صحت یاب ہونے کے بعد سیریز کے اگلے میچز میں ٹیم کو دستیاب ہوں گے۔
