آر اے شمشاد
پاکستان کرکٹ ٹیم کے مایہ ناز بلے باز فخر زمان نے دو اہم سنگ میل عبور کرلئے ہیں ۔ پاکستان کرکٹ ٹیم کے پاور ہٹر بلے باز فخر زمان نے ایک جانب ٹی ٹونٹی میچز کی سنچری مکمل کرلی ہے دوسری جانب قومی بلے باز فخر زمان ٹی ٹونٹی کرکٹ میں 2000رنز بھی مکمل کر لئے ہیں ۔ انہوں نے یہ دونوں کارنامہ گزشتہ روز افغانستان کیخلاف کھیلے گئے میچ میں انجام دیا ۔
قومی ٹیم کے بلے باز فخر زمان نے 100میچوں میں 2000رنز بنا لئے ہیں انہوں نے مختصر فارمیٹ میں 11نصف سنچریاں بھی سکور کی ہیں ۔ ان کا اس فارمیٹ میں زیادہ سے زیادہ سکور 91 ہے ۔
اگر بات کی جائے پاکستان کی جانب سے زیادہ میچز کی تو اس میں قومی ٹیم کے سابق کپتان بابر اعظم کا نام آتا ہے جنہوں نے اب تک 128میچز میں پاکستان کی نمائندگی کی ہے ۔ اس کےبعد شعیب ملک نے پاکستان کی جانب سے 124ٹی ٹونٹی میچز میں شرکت کی ہے ۔ پاکستان کی جانب سے زیادہ ٹی ٹونٹی میچز میں تیسرے نمبر پرمحمد حفیظ کا نام آتا ہے وہ پاکستان کی جانب سے 119میچز کھیل چکے ہیں ۔شاداب خان 112میچز کے ساتھ اس فہرست میں چوتھے نمبر پر موجود ہیں ۔محمد رضوان نے 106میچز میں پاکستان کی نمائندگی کی ہے ۔
https://www.youtube.com/watch?v=3MfcQ7aFDx0
ٹونٹی میں اگر سب سے زیادہ میچز کھیلنے کی بات کی جائے تو سابق بھارتی کپتان روہت شرما میں اس فہرست میں پہلے نمبر پر موجود ہیں جنہوں نے 159میچز کھیل رکھے ہیں ۔ اس کے بعد آئر لینڈ کے پال سٹرلنگ موجود ہیں جنہوں نے 151میچز میں آئر لینڈ کی نمائندگی کی ہے ۔آئرلینڈ کے ہی ڈوکرل اس فہرست میں تیسرے نمبر پر موجود ہیں جنہوں نے 145میچز کھیلے ہیں۔
ٹی ٹونٹی کرکٹ میں پاکستان کی جانب سے بابرا عظم نے سب سے زیادہ سکور کئے ہیں انہوں نے 4323رنز بنا رکھے ہیں ۔بابر اعظم سب سے زیادہ ٹی ٹونٹی رنز بنانے والوں کی فہرست میں دوسرے نمبر پر موجود ہیں جبکہ سب سے زیادہ ٹی ٹونٹی انٹرنیشنل میچز میں رنز سابق بھارتی کپتان روہت شرما کے ہیں جنہوں نے 4331رنز بنا رکھے ہیں بابر اعظم کو ان کا ریکارڈ توڑنے کیلئے محض 9رنز درکار ہیں ۔
https://www.youtube.com/shorts/xMMIdy39a0E
پاکستان کی جانب سے مختصر فارمیٹ میں زیادہ رنز بنانے والوں میں محمد رضوان دوسرے نمبر پر موجود ہیں انہوں نے 3414رنز بنا رکھےہیں ۔محمد حفیظ 2514رنز کے ساتھ تیسرے نمبر پر موجود ہیں ۔شعیب ملک 3435رنز کے ساتھ چوتھے ،پاکستان کی جانب سے زیادہ رنز بنانے والوں میں فخر زمان 2000رنز کے ساتھ پانچویں پوزیشن پر موجود ہیں ۔
