کوئٹہ (پاک ترک نیوز )بلوچستان حکومت نے شاہراہوں کی سکیورٹی کیلئے نئی فورس کے قیام کا فیصلہ کرلیا۔ایڈیشنل چیف سیکرٹری داخلہ بلوچستان حمزہ شفقات کے مطابق فورس کے قیام پر 25 ارب روپے اخراجات آئیں گے اور یہ فورس 6 ماہ میں فعال کردی جائے گی۔
ایڈٰشنل چیف سیکریٹری داخلہ نے کہا فورس کےقیام تک مال بردار گاڑیوں کو قافلوں کی صورت میں پہنچانے کی تجویز ہے، مال بردار گاڑیوں کیلئے انشورنس نظام بھی متعارف کرایا جائے گا۔ شاہراہوں پر جلائی گئی گاڑیوں کے معاوضے کا عمل تیز کیا جا رہا ہے۔
