یورپی یونین ممالک غزہ جنگ کیلئے اسرائیل پر پابندیاں لگانے پر تقسیم

کوپن ہیگن ( پاک ترک نیوز) یورپی یونین مالک غزہ جنگ کیلئے اسرائیل پر پابندیاں عائد کرنے پر تقسیم ہو گئے ۔
یورپی یونین کے وزرائے خارجہ میں اس بات پر اتفاق نہ ہو سکا کہ غزہ میں اسرائیل کی نسل کشی کی جنگ پر کیا کارروائی کی جائے ۔ دوسری جانب یورپی یونین انسانی امدا د کے سربراہ نے مطالبہ کیا ہے کہ وہ یکسو ہو کر مضبوط آواز بنیں جو ہماری اقدار اور اصولوں کی عکاسی کرتی ہو ۔
یورپی یونین کے 27 رکن ممالک کے وزراء خارجہ ہفتے کے روز ڈنمارک کے دارالحکومت کوپن ہیگن میں ہونے والی ایک میٹنگ میں جنگ پر تبادلہ خیال کے لیے جمع ہوئے ہیں۔
وہ ابتدائی کارروائی کے طور پر اسرائیلی سٹارف اپس کو یورپی یونین کی فنڈنگ کو معطل کرنے کی تجویز پر غور کریں گے ۔بلاک اب تک اس قدم کو اٹھانے کیلئے درکار اکثریت حاصل کرنے میں ناکام رہا ہے اس سے آگے مزید سخت اقدامات کے بارے میں سوچنا ابھی قبل از وقت ہی ہوگا ۔
اسپین اور آئرلینڈ جیسے رکن ممالک کے درمیان تقسیم ہے، جو اسرائیل پر فلسطینیوں پر سزا دینے والے حملوں کو روکنے کے لیے شدید دباؤ ڈالنا چاہتے ہیں، اور اس کے مضبوط اتحادی، جیسے جرمنی اور ہنگری، جو بہت کم یا کوئی اقدام نہیں کرنا چاہتے۔