لاہور( پاک ترک نیوز) فٹ بال کے دیوانوں کا انتظار ختم، دنیا کا سب سے بڑا کھیلوں کا میلہ فیفا ورلڈ کپ کا افتتاح آج ہو گا،، سپر میگا ایونٹ میں 48 ٹیمیں عالمی تاج کے لیے میدان میں اتریں گی۔
ورلڈ کپ فٹبال کی میزبانی امریکا ،کینیڈا ور میکسکیو مشترکہ طور پر کریں گے ،پلیئرز کی پرفارمنسز ہی نہیں افتتاحی تقریبات میں فنکاروں کے ایکشنز بھی چار چاند لگا دیں گے ۔
اس بار ورلڈ کپ میں ریکارڈ 104 میچز کھیلے جائیں گے جو 16 مختلف شہروں میں ہوں گے۔ ٹورنامنٹ کا آغاز آج میکسیکو میں پہلے میچ سے ہوگا جبکہ فائنل 19 جولائی کو نیویارک سٹی میں کھیلا جائے گا۔
ہر میزبان ملک اپنی ثقافت کو منفرد انداز میں پیش کرے گا۔ کینیڈا میں مختلف ثقافتوں کے امتزاج کو ”کلچرل موزائیک“ کے طور پر دکھایا جائے گا
میکسیکو سٹی کے اسٹیڈیم میں 11 جون کو ہونے والی تقریب میں مقامی ثقافت کے رنگ بکھیرے جائیں گے اور وہاں الیجینڈرو فرنینڈس، جے بالون اور شکیرا جیسے عالمی شہرت یافتہ فنکار اپنے فن کا مظاہرہ کریں گے۔
ان کے علاوہ جے بالون، مانا اور ٹائلا سمیت دنیا بھر کے دیگر نامور فنکار بھی اپنے فن کا مظاہرہ کرکے شائقین کے لہو کو گرمائیں گے۔
یہ بھی پڑھیں: فٹبال ورلڈ کپ کی افتتاحی تقریب کب ہو گی ،کون پرفارم کرے گا
افتتاحی جشن کی یہ لہر اگلے ہی دن جمعہ کو 12 جون کو کینیڈا کے شہر ٹورنٹو پہنچے گی، جہاں ’بی ایم او فیلڈ‘ میں دوسرے مرحلے کی تقریب منعقد ہوگی۔ کینیڈا میں یہ شو مشرقی وقت کے مطابق دوپہر 1:30 بجے شروع ہوگا۔
اس 3 ملکی افتتاحی سلسلے کا اختتام اسی روز امریکا کے شہر لاس اینجلس میں ہو گی ،جس میں معروف گلوکار پرفارم کریں گے
میکسیکو سٹی میں احتجاج اور سیکیورٹی خدشات کے باعث سخت حفاظتی انتظامات کیے گئے ہیں، جبکہ امریکہ اور کینیڈا میں شدید گرمی اور ہیٹ ویو کھلاڑیوں اور شائقین کے لیے امتحان بن سکتی ہے۔
