اسلام آباد ( پاک ترک نیوز) اگر آپ ونڈوز استعمال کرتے ہیں تو یہ خبر آپ کے لیے انتہائی اہم ہے۔مائیکروسافٹ مائیکروسافٹ زیادہ تر پی سیز میں ونڈوز کے سیکیور بوٹ سسٹم میں بڑی تبدیلی کررہا ہے۔اگر بروقت اپڈیٹ نہ کی گئی تو کئی کمپیوٹرز سیکیورٹی خطرات کا شکار ہو سکتے ہیں۔،مائیکرو سافٹ نے دنیا بھر کے کروڑوں کمپیوٹرز کے لیے ایک بڑا سکیورٹی الرٹ جاری کردیا ۔
پہلی بار جون دو ہزار چھبیس میں اہم سکیور بوٹس سرٹیفکیٹ کی مدت ختم ہو رہی ہے۔اب تمام ڈیوائسز میں ڈیڈ لائن سے پہلے نئے سرٹیفکیٹس انسٹال کرنا ضروری ہوگا۔
مائیکرو سافٹ کے مطابق ہم دو ہزار گیارہ میں جاری کیے گئے سرٹیفکیٹس کو اپ ڈیٹ کر رہے ہیں ،تاکہ ونڈوز ڈیوائسز قابلِ اعتماد بوٹ سافٹ ویئر کی تصدیق جاری رکھ سکیں۔
اگر آپ نے گزشتہ دو سال کے دوران نیا پی سی خریدا ہے تو زیادہ امکان ہے کہ اس میں نئے سرٹیفکیٹس پہلے ہی موجود ہوں،آپ یہ چیز اپنے ونڈو سکیورٹی ایپ میں چیک کر سکتے ہیں۔اقی تمام صارفین کے لیے نئے سرٹیفکیٹس عام ماہانہ سیکیورٹی اپڈیٹس کے ذریعے فراہم کیے جائیں گے۔ کچھ صارفین کو یہ اپڈیٹ اپریل میں مل چکی ہے جبکہ دوسروں کو مئی میں ملے گی۔
تاہم مائیکروسافٹ نے خبردار کیا ہے کہ اپریل کی اپڈیٹ کے بعد اس عمل کے دوران کمپیوٹر اضافی بار ری اسٹارٹ ہو سکتا ہے۔ یہ مئی میں بھی ہو سکتا ہے، اور آنے والے مہینوں میں کسی بھی وقت ایسا ممکن ہے کیونکہ سرٹیفکیٹس تبدیل کیے جا رہے ہیں۔
مائیکرو سافٹ کا کہناہے آنے والے چند مہینوں میں حالیہ اور نئی ونڈوز اپڈیٹس کے دوران بعض صارفین کو انسٹالیشن کے وقت ایک اضافی ری اسٹارٹ کا سامنا کرنا پڑ سکتا ہے۔ یہ ایک مرتبہ ہونے والا ری اسٹارٹ اس وقت ہوگا جب سکیورٹ بوٹ اپ ڈیٹ لاگو کی جائے گی۔
اس کے علاوہ بھی مزید پیچیدگیاں موجود ہیں ، ونڈوز اپ ڈٰٹ اور ونڈوز سکیورٹی ایپ دونوں کمپیوٹر کے اسٹیٹس کو ظاہر کریں گے ،اور جہاں صارف کو فوری کارروائی کی ضرورت ہوگی وہاں سرخ رنگ کی اہم وارننگ بھی دکھائی جائے گی،تاکہ سکیور بوٹس کی آخری تاریخ سے پہلے مسئلہ حل کیا جا سکتے۔
مائیکروسافٹ نے یہ بھی واضح کیا ہے کہ یہ اپڈیٹ صرف انہی پی سیز کے لیے دستیاب ہوگی جو سیکیورٹی اپڈیٹس حاصل کرنے کے اہل ہیں۔ اس کا مطلب یہ ہےدنیا بھر میں کروڑوں ونڈوز ٹین کمپیوٹرز نئے سکیور بوٹ سرٹیفکیٹ حاصل نہیں کرسکیں گے ،جس کے باعث اگلے مہینے سے ان کے لیے سیکیورٹی خطرات بڑھ سکتے ہیں۔
ماہرین کا کہنا ہے کہ متاثرہ صارفین کو مائیکروسافٹ کے ایکسٹینڈٹ سکیورٹی اپ ڈیٹ پروگرام میں فوری رجسٹریشن کرانی چاہیئےتو اگر آپ بھی ونڈوز استعمال کرتے ہیں، اپنے سسٹم کی سیکیورٹی اپڈیٹس فوری چیک کریں، کیونکہ معمولی غفلت آپ کے کمپیوٹر کو بڑے سائبر خطرے میں ڈال سکتی ہے۔
