گورنر پنجاب سے بنگلادیشی وفد کی ملاقات

لاہور( پاک ترک نیوز) گورنر پنجاب سردار سلیم حیدر خان سے لاہور میں بنگلا دیش کے سینئر سول سروس افسران پرمشتمل وفد نے ملاقات کی ہے ۔
گورنر پنجاب نے کہا معرکہ حق کے بعد بین الاقوامی سطح پر پاکستان کے وقار اور اثر و رسوخ میں اضافہ ہوا ہے۔ آج پوری دنیا پاکستان کی بات سن رہی ہے۔
گورنر نے مزید کہا پاکستان اور بنگلا دیش میں تاریخ،مذہب ثقافت سمیت کئی قدریں مشترک ہیں۔ پاکستان اور بنگلہ دیش کےدرمیان عوامی سطح پر رابطے بڑھانے کی ضرورت ہے۔ سول سروس افسران کے درمیان تجربات کا تبادلہ دونوں ممالک کے انتظامی نظام کو مضبوط بنانے میں مددگار ثابت ہوگا۔
گورنر پنجاب نے کہا پاکستان بنگلا دیش نالج کوریڈور سے باہمی تعلقات کا نیا باب کھل رہا ہے۔ دونوں ممالک باہمی تجربات کے تبادلے سے مختلف شعبوں میں ترقی کر سکتے ہیں۔