ایرانی وزیر خارجہ کی چینی ہم منصب سے ملاقات

بیجنگ ( پاک ترک نیوز) ایرانی وزیر خارجہ عباس عراقچی نے دورہ چین میں چینی ہم منصب سے ملاقات کی ہے جس میں خطے کی تازہ صورتحال ،علاقائی و بین الاقوامی پیش رفت اور دو طرفہ تعلقات پر تبادلہ خیال کیا گیا ۔
چینی وزیر خارجہ نے کہا کہ چین کشیدگی کم کرنے کیلئے ہر ممکن تعاون کیلئے تیار ہے، مکمل جنگ بندی ناگزیر ہے، خطہ نازک موڑ سے گزر رہا ہے۔ دونوں فریقین کے درمیان براہ راست ملاقات ضروری ہے۔
ایرانی وزیر خارجہ عباس عراقچی نے کہا کہ ایران صرف ایک منصفانہ اور جامع معاہدہ ہی قبول کرے گا، چین کے مضبوط مؤقف کی قدر کرتے ہیں، چین ایران کا قریبی دوست ہے، موجودہ حالات میں ہمارا تعاون مزید مضوبط ہوگا۔ایرانی وزیر خارجہ نے کہا جنگ کھلی جارحیت اور عالمی قوانین کی خلاف ورزی ہے، مذاکرات میں جائز حقوق اور مفادات کے تحفظ کیلئے بھرپور کوشش کریں گے۔