آر اے شمشاد
یوں تو پاکستان کی کرکٹ میں بلے شمار بلے باز آئے جنہوں نے اپنی صلاحیتوں سے لوہا منوایا تھا تاہم کچھ ایسے کھلاڑی پاکستان کرکٹ پر ایسے نقوش چھوڑ جاتے ہیں جو شاید رہتے دنیا تک ان کے نام کے ساتھ ہی یاد کئے جاتے ہیں ۔ ماڈرن کرکٹ میں ریکارڈ کا بننا اور ٹوٹنا شاید دنوں کی بات رہ گئی ہے تاہم اب بھی کچھ کھلاڑی اپنے صلاحیتوں کے بلے بوتے پر لمبے عرصے تک کرکٹ کی دنیا پر راج کرتے نظر آتے ہیں ۔
ان میں سے ہی ایک بڑا نام بابراعظم کا ہے جسے کنگ کے ساتھ ریکارڈز کا کنگ بھی کہا جائے تو شاید بے جا نہ ہو گا ۔
بابراعظم جس نے گزشتہ روز نئی تاریخ رقم کی ہے اوروہ ٹی ٹونٹی کرکٹ میں سب سے زیادہ سنچریاں بنانے والے کھلاڑیوں کی فہرست میں دوسرے نمبر پرآ گئے ہیں انہوں نے یہ کارنامہ پی ایس ایل 11کے کوئٹہ گلیڈی ایٹرز کیخلاف میچ میں انجام دیا ہے ۔اس دوران انہوں نے ایک دلچسپ اور حیران کن کارنامہ بھی انجام دیا ۔ پوری اننگز میں انہوں نے صرف ایک ڈاٹ بال کھیلی ۔بابراعظم ٹی ٹونٹی میں 12306رنز بنا چکے ہیں ۔ ان کا زیادہ سے زیادہ سکور 122ناٹ آئوٹ ہے ۔وہ 12مرتبہ سنچری سکور کر چکے ہیں اور نصف سنچریاں کی سنچری بھی مکمل کر چکے ہیں ۔قومی ٹیم کے مایہ ناز بلے باز بابراعظم ٹی ٹونٹی نیشنل میں سب سے زیادہ 4596رنز بنا کر سرفہرست ہیں ۔انہوں نے 39نصف سنچریاں اور 3سنچریاں سکور کر رکھی ہیں ۔
