امریکا ،ایران مذاکرات کا دوسرا دور ہفتہ یا اتوار کو متوقع

تہران ( پاک ترک نیوز) امریکا ،ایران مذاکرات کا دوسرا دور ہفتہ یا اتوار کو متوقع ہے ،مجوزہ معاہدے کا ڈرافٹ پاکستان کے ذریعے ایران اور امریکا سے شیئر کر دیا گیا ۔
مذاکرات کامیاب ہونے پر معاہدہ اسلام پر دستخط ہونگے ، دنیا کی اہم شخصیات کی پاکستان آمد کا امکان ہے ۔،ذرائع کے مطابق پاکستانی قیادت کے پس پردہ رابطوں نے دوسرے دور کی راہ ہموار کی۔
مذاکرات کیلئے امریکا اور ایران کے سپورٹنگ اور سکیورٹی سٹاف کو اسلام آباد میں رہنے کی ہدایت کر دی گئی ،اسلام آباد میں سکیورٹی انتظامات بھی جاری ہیں ،واضح رہے کہ وزیراعظم شہبازشریف نے سعودی عرب اور فیلڈ مارشل سید عاصم منیر نے ایران کا دورہ بھی کیا،خطے میں امن کی کوششوں کے حوالے سے مشاورت کی گئی۔