اسلام آباد ( پاک ترک نیوز )خیبر پختونخوا کے بالائی اضلاع ایک نئے خطرے کی زد میں آ گئے ،گلیشیائی جھیلیں پھٹنے کے دہانے پر،ماہرین نے خطرے کی گھنٹی بجا دی ۔ چترال اپر، چترال لوئر، دیر اپر، سوات اور کوہستان اپر میں موسمی صورتحال کے پیش نظر گلیشیئرز پگھلنے کے قریب ہیں ،پی ڈی ایم اے کے مطابق گلیشیائی جھیلوں کے پھٹنے سے فلیش فلڈ اور لینڈ سلائیڈنگ جیسے واقعات کا خدشہ ہے،ضلعی انتظامیہ کو حساس گلیشیائی مقامات کی مسلسل نگرانی اور فوری وارننگ سسٹم فعال رکھنے کی ہدایت کر دی گئی۔
،خطرے سے دوچار علاقوں میں لوگوں کو انخلاء کا کہہ دیا گیا ،ریسکیو اور ایمرجنسی سروسز کے عملے کو ہر وقت تیار رہنے کی ہدایت کی گئی ہے،عوام کو کہا گیا ہے کہ ندی نالوں اور دریاؤں کے قریب غیر ضروری نقل و حرکت سے گریز کریں ،تیز بہاؤ والے پانی میں گاڑیوں کے بہہ جانے کے خطرے سے متعلق عوام کو خبردار کیا گیا،سیاحوں اور مسافروں کوحساس علاقوں کی جانب غیر ضروری سفر سے روک دیا گیا
