لاہور(پاک ترک نیوز )پنجاب اسمبلی نے مشرق وسطیٰ میں جاری کشیدگی کو کم کروانے کیلئے ، وزیراعظم شہباز شریف،فیلڈ مارشل عاصم منیر اور ڈپٹی وزیراعظم اسحاق ڈار کی کوششوں کو خراج تحسین پیش کرنے کی قرارداد متفقہ طور پر منظور کر لی۔قرارداد صوبائی وزیر برائے پارلیمانی امور میاں مجتبی شجاع الرحمن نے پیش کی۔قرارداد میں امریکا، متحدہ عرب امارات اور ایران کی جانب سے جنگ بندی کو بھی خوش آئیند قرار دیا گیا،قرارداد کے متن کےمطابق فیلڈ مارشل جنرل عاصم منیر اور وزیراعظم محمد شہباز شریف نے دن رات محنت کرکے عالمی دنیا کو تباہ کن تصادم سے بچا لیا ۔قرارداد میں سفارش کی گئی فیلڈ مارشل جنرل عاصم منیر اور وزیراعظم محمد شہباز شریف کو عالمی امن کی بحالی کی کوششوں پر نوبیل امن ایوارڈ سے نوازا جائے۔
