اسلام آباد (پاک ترک نیوز ) سپریم کورٹ نے سانحہ اے پی ایس کے شہدا کے لواحقین کو پیکج نہ ملنے پر وفاقی حکومت سے جواب طلب کرلیا،جسٹس عرفان سعادت نے ریمارکس دیئےدرخواست 25 دن تاخیر سے دائر کی گئی
درخواست گزار کے وکیل نے کہا شہدا کے لواحقین کو اعلان کردہ پیکج نہیں ملا، جسٹس محمد علی مظر نے کہا اگر کوئی پیکج ملا ہے تو سب کو دیں،وفاقی حکومت بتائے کہ پشاور ہائیکورٹ کے فیصلے پر عملدرآمد ہوا یا نہیں؟
کیس کی سماعت جسٹس محمد علی مظہر کی سربراہی میں تین رکنی بینچ نے کی،کیس کی مزید سماعت غیر معینہ مدت کیلئے ملتوی کر دی گئی
پشاور ہائیکورٹ کے فیصلے پر توہین عدالت کی درخواست شہدا کے لواحقین کی جانب سے دائر کی گئی تھی۔پشاور ہائیکورٹ نے توہین عدالت کی درخواست کو خارج کردیا تھا
