اسلام آباد(پاک ترک نیوز) نائب وزیراعظم اسحاق ڈار نے قائم مقام امیر جماعت اسلامی لیاقت بلوچ سے رابطہ کیا ہے، جس کے بعد حکومت اور جماعت اسلامی کی ٹیکنیکل کمیٹیوں کا پیٹرولیم لیوی کے معاملے پر اجلاس آج ہوگا۔
لیاقت بلوچ کے مطابق پیٹرولیم لیوی کے خاتمے اور عوام کو ریلیف دینے سے متعلق ماہرین کا اجلاس بدھ کو ہونا تھا، تاہم حکومت نے ڈیٹا کی حتمی تیاری کے لیے ایک دن کی مہلت طلب کرلی۔
یہ بھی پڑھیں: اسحاق ڈار اور سعودی وزیر خارجہ کا رابطہ، خطے کی صورتحال پر تبادلہ خیال
لیاقت بلوچ کا کہنا ہے کہ دونوں فریقین کی جانب سے طے شدہ مسودے کا امیر جماعت اسلامی حافظ نعیم الرحمان خود جائزہ لیں گے۔
انہوں نے مزید کہا کہ حافظ نعیم الرحمان اور دیگر جماعتی قائدین سے مشاورت کے بعد ہی آئندہ کے لائحہ عمل کا اعلان کیا جائے گا۔
