مالے(پاک ترک نیوز)مالدیپ کے صدر ڈاکٹر محمد معیزو کے اعزاز میں وزیراعظم ہاؤس اسلام آباد میں باضابطہ استقبالیہ تقریب منعقد ہوئی، وزیراعظم شہباز شریف نے معزز مہمان کا پرتپاک استقبال کیا، دونوں رہنماؤں کے درمیان مصافحہ اور خوشگوار جملوں کا تبادلہ ہوا۔
تقریب کے آغاز پر پاکستان اور مالدیپ کے قومی ترانے بجائے گئے، مسلح افواج کے چاق و چوبند دستے نے مالدیپ کے صدر کو گارڈ آف آنر پیش کیا۔ ڈاکٹر محمد معیزو نے گارڈ آف آنر کا معائنہ بھی کیا۔
وزیراعظم شہباز شریف نے اپنی کابینہ کے ارکان کا مالدیپ کے صدر سے تعارف کرایا، جبکہ ڈاکٹر محمد معیزو نے وزیراعظم سے اپنے وفد کے ارکان کا تعارف کرایا۔
یہ بھی پڑھیں: افغانستان میں معاشی بدحالی، استاد قلم چھوڑ کر رکشہ چلانے پر مجبور
بعد ازاں مالدیپ کے صدر نے وزیراعظم ہاؤس کے سبزہ زار میں پودا لگایا۔ اس موقع پر دونوں ممالک کی ترقی اور عوام کی خوشحالی کے لیے خصوصی دعا بھی کی گئی۔
