سڈنی (پاک ترک نیوز )آسٹریلیا نے بنگلہ دیش کو دوسرے ٹیسٹ میں ایک اننگز اور 51 رنز سے شکست دے کر آئی سی سی ورلڈ ٹیسٹ چیمپئن شپ 2025-27 کی پوائنٹس ٹیبل پر اپنی پوزیشن مزید مستحکم کرلی۔
میکے میں کھیلے گئے دوسرے ٹیسٹ میں کامیابی کے بعد آسٹریلیا کے 10 میچز میں 96 پوائنٹس ہوگئے ہیں، جبکہ اس کا پوائنٹس پرسنٹیج 80 فیصد ہے، جس کے باعث آسٹریلوی ٹیم ٹیبل پر واضح برتری کے ساتھ پہلے نمبر پر موجود ہے۔
جنوبی افریقہ 75 فیصد پوائنٹس پرسنٹیج کے ساتھ دوسرے نمبر پر ہے، جبکہ نیوزی لینڈ 72.22 فیصد کے ساتھ تیسری پوزیشن پر موجود ہے۔
بنگلہ دیش شکست کے باوجود 55.56 فیصد پوائنٹس پرسنٹیج کے ساتھ چوتھے نمبر پر ہے، جبکہ بھارت 53.33 فیصد کے ساتھ پانچویں پوزیشن پر موجود ہے۔
سری لنکا پانچ ٹیسٹ میچز میں 20 پوائنٹس اور 33.33 فیصد پوائنٹس پرسنٹیج کے ساتھ چھٹے نمبر پر ہے۔
پوائنٹس ٹیبل میں انگلینڈ، ویسٹ انڈیز اور پاکستان بالترتیب سری لنکا کے بعد موجود ہیں۔
