لاہور( پاک ترک نیوز) پی ایس ایل 11کا فاتح کون ،پشاور زلمی یا حیدر آباد کنگز مین فیصلہ کن گھڑی آن پہنچی ۔
پاکستان سپر لیگ (پی ایس ایل ) سیزن 11بالاخر اختتام کے قریب پہنچ گیا ۔ فائنل معرکہ میں پشاور زلمی کا حیدر آباد کنگز مین سے مقابلہ ہو گا ۔یہ معرکہ لاہور کے قذافی سٹیڈیم میں کھیلا جائے گا ۔
کیا پشاور زلمی دوسری بار ٹائٹل اپنے نام کر پائے گی یا حیدر آبادکنگز مین پہلی بار پی ایس ایل کا حصہ ہونے کے ساتھ چیمئپن بننے کا اعزاز بھی حاصل کرلے گی ۔
حیدر آباد کنگز مین نے جب پی ایس ایل میں سفر کا آغاز کیا تو جیت کی تلاشی میں سرگرداں نظر آئی تاہم وقت کے ساتھ ساتھ اس کی جیت کا سلسلہ شروع ہو گیا ۔ پی ایس ایل میں اب تک کنگز مین نے 10میچز کھیلے ہیں اور پانچ میں کامیابی سمیٹی ہے ۔ ایلیمینٹر ٹو میں اسلام آباد یونائیٹڈ کو شکست دے کر اس نے فائنل کیلئے کوالیفائی کیا ہے۔ یہ سنسنی خیز اور دلچسپ مقابلہ حیدر آباد کنگز مین نے 2رنز سے اپنے نام کیا ۔
پشاور زلمی نے آغاز سے مسلسل کامیابیاں اپنےنام کی تھی اور کوالیفائر میں اسلام آباد یونائیٹڈ کو زیر کر کے فائنل میں جگہ بنائی تھی ۔
واضح رہے کہ پشاور زلمی 2017میں ٹائٹل اپنے نام کرنے میں کامیاب ہوئی تھی اور یہ ان کی واحد ٹرافی ہے ۔تاہم اس بار کون پشاور زلمی دوسری بار چیمپئن ہونے کا اعزاز اپنے نام کرے گی یا حیدر آباد دکن اپنی متاثر کن کارکردگی جاری رکھے گی اور ٹرافی اپنے گھر لے جائے گی ۔ فیصلہ کی گھڑی آن پہنچی ہے اور دونوں ٹیمیں 3فروری کو لاہور کےقذافی سٹیڈیم میں ٹرافی کے حصول کیلئے ایڑی چوٹی کا زور لگائیں گی ۔
