واشنگٹن ( پاک ترک نیوز) ٹرمپ انتظامیہ نے ہنر مند غیر ملکی کارکنوں کے لیے ایچ ون بی ویزا پروگرام کے تحت درخواست دینے والے امریکی آجروں سے 1 لاکھ 3 ہزار 265 ڈالر فیس وصول کرنے کی تجویز پیش کردی۔امریکی انتظامیہ کی جانب سے پیر کو جاری کی گئی مجوزہ ریگولیشن کے مطابق یہ فیس ان کمپنیوں سے وصول کی جائے گی جو ہنر مند غیر ملکی ملازمین کو امریکا میں کام کے لیے بلانا چاہتی ہیں۔
مجوزہ فیس سے حاصل ہونے والی آمدنی امریکی قانونی امیگریشن نظام کے اخراجات پورے کرنے کے لیے استعمال کی جائے گی، جس میں وفاقی امیگریشن عدالتوں اور امریکی امیگریشن اینڈ کسٹمز انفورسمنٹ کی مالی معاونت بھی شامل ہے۔
یہ بھی پڑھیں: امریکا ایران کے حوالے سے اپنا لہجہ اور پالیسی بدلے ،مسعود پزشکیان کی فیلڈ مارشل سے گفتگو
صدر ڈونلڈ ٹرمپ کا مؤقف ہے کہ ایچ ون بی ویزا پروگرام کے ذریعے غیر ملکی ہنر مند کارکنوں کی بھرتی سے بعض صورتوں میں امریکی شہریوں کی ملازمتیں متاثر ہوتی ہیں۔تاہم اس سے قبل بھی اسی نوعیت کی بھاری فیس عائد کرنے کی کوشش کی گئی تھی جسے ایک امریکی جج نے مسترد کردیا تھا۔
