آر اے شمشاد
پاکستان کرکٹ ٹیم کو بنگلہ دیش کیخلاف کلین سوئپ کا خوف ستانے لگا ۔ پاکستان اور بنگلہ دیش کی ٹیمیں تیسرے ٹی ٹونٹی میں مد مقابل آئیں گی ۔ میزبان ٹیم کو سیریز میں دو صفر کی فیصلہ کن برتری حاصل ہے ۔
پاکستانی ٹیم اپنی ناقص بیٹنگ پرفارمنس کے باعث اس وقت شدید تنقید کی زد میں ہے۔ پہلے دو میچز میں شکست کے بعد شاہینوں کو تیسرے ٹی ٹونٹی میں کلین سوئپ کا خوف ستانے لگا ہے ۔
بنگال ٹائیگرز نے شاہینوں کو پہلے ٹی ٹونٹی میں 7وکٹوں سے ہرایا تھا جبکہ دوسرے ٹی ٹونٹی میچ میں 8رنز سے شکست دے کر سیریز اپنے نام کرنے میں کامیاب ہوا ہے ۔بنگلہ دیش پہلی بار پاکستان کیخلاف اپنے ملک میں ٹی ٹونٹی سیریز جیتنے میں کامیاب ہوا ہے ۔
تجربہ کار بابر اعظم اور محمد رضوان کی عدم موجودگی کے باعث ٹیم میں بیٹنگ شدید مشکلات کا شکار نظر آ رہی ہے وہیں حارث رئوف ، شاہین اور نسیم شاہ کی موجودگی سے بھی بائولنگ اٹیک پر اثر دکھائی دے رہا ہے ۔
پاکستانی شائقین کی جانب سے ٹیم سلیکشن پر سخت سوالات اٹھائے گئے ہیں ۔
بنگلہ دیش جو حال ہی میں سری لنکا کیخلاف کلین سوئپ کر کے اپنے وطن پہنچا ہے وہ مسلسل دوسری سیریز میں کلین سوئپ کا خواب سجائے میدان میں اترے گا ۔
واضح رہے کہ اس سےقبل دونوں ٹیموں کے درمیان تین میچوں پر مشتمل سیریز لاہور میں کھیلی گئی تھی جہاں پاکستان نے بنگال ٹائیگرز کیخلاف کلین سوئپ کیا تھا ۔
