اسلام آباد ( پاک ترک نیوز) وزیر دفاع خواجہ آصف نے کہا ہے کہ خیبر پختونخوا میں حالات بہتر ہونے پر ایمرجنسی کو ختم بھی کیا جا سکتا ہے، جمعیت علمائے اسلام نے شاید صوبے میں مالِ غنیمت کی امید لگا رکھی تھی۔سیالکوٹ میں نیوز کانفرنس کرتے ہوئے خواجہ آصف نے کہا کہ تحریک انصاف کے دورِ حکومت میں خیبر پختونخوا میں معدنیات کے لائسنس جاری کیے گئے۔
انہوں نے مولانا فضل الرحمٰن سے متعلق سیاسی بیانات پر تبصرہ کرتے ہوئے کہا کہ کل ایک شخص کہتا تھا کہ فضل الرحمٰن کو مولانا کہنا گناہ ہے، جبکہ اب ان کی جماعت کا سربراہ کہہ رہا ہے کہ مولانا کا ہمارے ساتھ کھڑا ہونا خوش قسمتی ہے۔وزیر دفاع نے مسلم لیگ ن کے قائد نواز شریف کا ذکر کرتے ہوئے کہا کہ ان سے تین مرتبہ اقتدار چھینا گیا، لیکن انہوں نے اپنی عزت پر سودا نہیں کیا۔
یہ بھی پڑھیں: وزیراعظم اور اپوزیشن لیڈر کی ملاقات کے حوالے سے ڈیڈ لاک
خواجہ آصف کا کہنا تھا کہ ملک کے تحفظ کے لیے ہزاروں جوانوں نے جامِ شہادت نوش کیا ہے اور ان کی قربانیوں کو رائیگاں نہیں جانے دیا جائے گا۔انہوں نے دفاعی معاہدوں کے حوالے سے کہا کہ ان میں فوج اور فیلڈ مارشل کا کلیدی کردار ہے۔
