راولپنڈی ( پاک ترک نیوز) خیبرپختونخوا میں سیکیورٹی فورسز کی عزمِ استحکام وژن کے تحت فتنۃ الخوارج کے خلاف کارروائیاں جاری ہیں۔سیکیورٹی ذرائع کے مطابق ڈیرہ اسماعیل خان میں سیکیورٹی فورسز نے خفیہ اطلاعات کی بنیاد پر کارروائی کی، جس کے دوران 3 خارجی دہشت گرد ہلاک کردیے گئے۔سیکیورٹی ذرائع کا کہنا ہے کہ کارروائی دہشت گردوں کی موجودگی کی اطلاع پر کی گئی۔ کارروائی کے دوران سیکیورٹی فورسز نے دہشت گردوں کے ٹھکانے کو نشانہ بنایا۔
یہ بھی پڑھیں: امریکی فضائیہ کا تیز رفتار میزائلوں کے لیے جدید انجن تیار کرنے کا منصوبہ
ذرائع کے مطابق خیبرپختونخوا میں دہشت گردی کے خلاف کارروائیوں کا سلسلہ جاری ہے، جبکہ دہشت گردوں کے نیٹ ورکس اور ان کے سہولت کاروں کے خلاف بھی انٹیلی جنس بنیادوں پر اقدامات کیے جا رہے ہیں۔سیکیورٹی ذرائع کا کہنا ہے کہ دہشت گردی کے مکمل خاتمے تک کارروائیاں جاری رہیں گی اور امن و امان کو یقینی بنانے کے لیے سیکیورٹی فورسز پرعزم ہیں۔
