جدہ (پاک ترک نیوز )یمن میں سعودی اتحادی افواج کی کارروائی کے نتیجے میں حوثی ملیشیا کے 250 جنگجو ہلاک اور زخمی ہو گئے
سعودی اتحاد کے ترجمان کے مطابق صنعا، صعدہ اور حدیدہ میں حوثی ملیشیا کے متعدد اہم ٹھکانوں کو نشانہ بنایا گیا۔
ترجمان کے مطابق کارروائی کے دوران اسلحے کے ذخیرے، دھماکا خیز کشتیوں کے مراکز، بحری سرنگیں، بیلسٹک میزائلوں کے لانچنگ مقامات اور میزائلوں کے گودام تباہ کیے گئے۔
یمنی خبر رساں ادارے کے مطابق تعز میں بھی کارروائی کے دوران حوثی ملیشیا کے 250 جنگجو ہلاک اور زخمی ہوئے۔
دوسری جانب حوثی ملیشیا نے سعودی عرب پر جوابی حملوں کا دعویٰ کیا ہے۔
حوثیوں کے مطابق ریاض کے کنگ خالد ہوائی اڈے، ایک تیل کمپنی، خمیس مشیط کے فوجی اڈے جبکہ عسیر، نجران اور جازان میں فوجی تنصیبات کو نشانہ بنایا گیا۔
سعودی شہری ہوا بازی کے حکام کے مطابق گزشتہ رات جازان اور نجران کے ہوائی اڈوں پر ہونے والے حملوں میں 3 افراد معمولی زخمی ہوئے۔
