راولا کوٹ سے را کا ایجنٹ گرفتار

راولا کوٹ (پاک ترک نیوز) راولا کوٹ پولیس نے بڑی کارروائی کرتے ہوئے بھارتی خفیہ ایجنسی را کا ایجنٹ گرفتار کر لیا ۔
آئی جی پولیس آزاد کشمیر کیپٹن ریٹائر لیاقت علی ملک نے نیوز کانفرنس میں بتایا کہ عرفان نامی نوجوان را کیلئے کام کر رہا تھا ۔ گرفتار ملزم حساس مقامات کی لوکیشن لیتا رہا،حساس تنصیبات کی ریکی کرتا رہا ،ویڈیو بناتا رہا۔ حساس تنصیبات اور سکولوں کو نشانہ بنانے کی منصوبہ بندی تھی۔
ملزم معصوم بچوں کو پیسے کا لالچ دے کر تیار کرتا تھا ،ایجنٹ حساس معلومات دشمن تک پہنچا رہے ہیں دشمن کے ناپاک عزائم خاک میں ملائیں گے ،دشمن کو واضح پیغام ہے ہم ہر محاذ پر چوکس ہیں،ملزم عرفان کا اعترافی بیان بھی پریس کانفرن میں چلا گیا ،جس میں ملزم نے کہا جون دو ہزار پچیس میں شاہد نامی نوجوان نے فیس بک پر فرینڈشپ کی ریکوسٹ بھیجی،بعد میں ہماری بات چیت شروع ہو ئی، مجھے سے تنصیبات کی تصویریں مانگی گئیں۔