پشاور ( پاک ترک نیوز) وزیراعلیٰ خیبر پختونخوا سہیل آفریدی کی قیادت میں پاکستان تحریک انصاف کے لانگ مارچ کا پانچواں روز ہے، مارچ کے شرکا نے پشاور میں پڑاؤ ڈال رکھا ہے، جبکہ وزیراعلیٰ نے آج چارسدہ میں آئندہ کا لائحہ عمل دینے کا اعلان کیا ہے۔بھانہ ماڑی چوک پر لانگ مارچ کے شرکا سے خطاب کرتے ہوئے سہیل آفریدی نے کہا کہ یہ انقلاب اور حقیقی آزادی کی جدوجہد کا آغاز ہے۔ عمران خان کی رہائی اور انصاف کے مطالبے کے لیے لانگ مارچ جاری ہے، کارکنوں اور عوام کی شرکت اس تحریک سے اظہار یکجہتی ہے۔
سہیل آفریدی نے اپنے خطاب میں کہا کہ پہلے ٹیسٹ میچ، پھر ٹی ٹوئنٹی اور آخر میں ٹی ٹین کھیلیں گے۔ ان کا کہنا تھا کہ یہ بلاول بھٹو اور مریم نواز والا لانگ مارچ نہیں، اس مرتبہ کوئی فکس میچ نہیں ہو رہا۔وزیراعلیٰ خیبر پختونخوا نے سابقہ لانگ مارچوں پر تنقید کرتے ہوئے دعویٰ کیا کہ جب ان کی جماعت کی حکومت تھی تو لانگ مارچ کرنے والے فکس میچ کے ساتھ آتے تھے۔سہیل آفریدی نے یہ بھی دعویٰ کیا کہ خیبر پختونخوا حکومت کی کارکردگی پر سوال اٹھانے والے بوکھلاہٹ کا شکار ہیں۔
یہ بھی پڑھیں: حکومت اب بھی مذاکرات اور سیاسی حل کے لیے تیار ہے،وزیراعظم کا فضل الرحمان کو فون پر پیغام
لانگ مارچ کے شرکا کی بھانہ ماڑی چوک آمد کے موقع پر کارکنوں کی جانب سے پُرجوش استقبال کیا گیا۔ تحریک انصاف کے کارکن عمران خان کی رہائی اور انصاف کے مطالبات کے ساتھ مارچ میں شریک ہیں۔
