اسلام آباد ( پاک ترک نیوز) وزیراعظم محمد شہباز شریف تین روزہ دورے پر کرغستان کے دارالحکومت بشکیک روانہ ہوگئے۔
وزیراعظم شنگھائی تعاون تنظیم کے سربراہی اجلاس سے خطاب کریں گے اور مختلف علاقائی و عالمی امور پر پاکستان کا مؤقف پیش کریں گے۔شہباز شریف ایس سی او پلس سربراہی اجلاس میں بھی شرکت کریں گے، جبکہ ورلڈ نومیڈ گیمز کی افتتاحی تقریب میں بطور مہمان خصوصی شریک ہوں گے۔
وزیراعظم اجلاس میں شرکت کرنے والے مختلف ممالک کے رہنماؤں سے دوطرفہ ملاقاتیں بھی کریں گے، جن میں باہمی تعلقات، تجارت و سرمایہ کاری، علاقائی تعاون اور باہمی دلچسپی کے دیگر امور پر تبادلہ خیال ہوگا۔وزیراعظم محمد شہباز شریف کرغستان کے صدر صدار ژاپاروف سے بھی دوطرفہ ملاقات کریں گے، جس میں پاکستان اور کرغستان کے درمیان تعلقات کے تمام پہلوؤں کا جائزہ لیا جائے گا۔
یہ بھی پڑھیں: سپریم کورٹ، بانی پی ٹی آئی کی ہسپتال منتقلی کا معاملہ، عظمیٰ خان کی فوری سماعت کی درخواست مسترد
دورۂ کرغستان کے دوران تجارت و سرمایہ کاری، توانائی، علاقائی روابط، تعلیم، سیاحت اور عوامی روابط کے فروغ پر بھی بات چیت ہوگی۔وفاقی وزراء جام کمال خان، علیم خان اور عطاء اللہ تارڑ بھی وزیراعظم کے ہمراہ ہیں۔
