اسلام آباد ( پاک ترک نیوز) وزیراعظم شہباز شریف نے امریکی صدر ڈونلڈ ٹرمپ کی جانب سے پاکستان، سعودی عرب اور ترکیہ کے درمیان مکہ دفاعی معاہدے کی حمایت پر ان کا شکریہ ادا کیا ہے۔
وزیراعظم شہباز شریف نے کہا کہ پاکستان اپنے برادر ممالک سعودی عرب اور ترکیہ کے ساتھ مل کر اپنے ممالک اور پورے خطے کے دفاع اور سلامتی کے لیے تعمیری کردار ادا کرتا رہے گا۔
وزیراعظم نے امریکی صدر ڈونلڈ ٹرمپ کی قیادت کو سراہتے ہوئے کہا کہ صدر ٹرمپ کی جرات مندانہ قیادت کے باعث جنوبی ایشیا اور کروڑوں انسان ایٹمی تباہی سے محفوظ رہے۔
شہباز شریف کا کہنا تھا کہ پائیدار امن ہمارے عوام کے بہتر مستقبل کے لیے ناگزیر ہے۔
یہ بھی پڑھیں: وزارت داخلہ کے اداروں کو جدید خطوط پر استوار کرنے کا فیصلہ
وزیراعظم نے اس عزم کا اظہار کیا کہ پاکستان خطے میں امن، استحکام اور باہمی تعاون کے فروغ کے لیے اپنے شراکت دار ممالک کے ساتھ مل کر اپنا کردار جاری رکھے گا۔
