اسلام آباد(پاک ترک نیوز) پی آئی اے ہولڈنگ کمپنی لمیٹڈ کے نصف سالہ مالی نتائج میں کمپنی کا خالص خسارہ 76 فیصد اضافے کے ساتھ 25 ارب 39 کروڑ روپے تک پہنچ گیا۔گزشتہ سال اسی عرصے میں پی آئی اے ہولڈنگ کا خالص خسارہ 14 ارب 43 کروڑ روپے تھا۔رپورٹ کے مطابق کمپنی کی خالص آمدن 89 فیصد کم ہو کر 25 ارب 71 کروڑ روپے رہ گئی، جبکہ گزشتہ سال یہ آمدن 239 ارب 65 کروڑ روپے تھی۔
کمپنی کے مالی نتائج کے مطابق انتظامی اخراجات میں 36 فیصد کمی ہوئی، جبکہ دیگر آمدن 18 ارب 3 کروڑ روپے تک پہنچ گئی۔فنانس لاگت بھی 11 فیصد کم ہو کر 53 ارب 65 کروڑ روپے رہی، تاہم یہ اب بھی کمپنی پر سب سے بڑا مالی بوجھ ہے۔
یہ بھی پڑھیں: کراچی کے اسپتال سے نومولود غائب،اسپتال انتظامیہ کی تردید ،واقعے کی تحقیقات شروع
ٹیکس کے شعبے میں بھی بڑا فرق سامنے آیا، گزشتہ سال کمپنی کو 30 ارب 18 کروڑ روپے کا ٹیکس کریڈٹ ملا تھا، جبکہ رواں سال 5 ارب 11 کروڑ روپے کا ٹیکس چارج عائد ہوا۔ٹیکس میں اس بڑی تبدیلی کے باعث قبل از ٹیکس خسارہ کم ہونے کے باوجود پی آئی اے ہولڈنگ کا مجموعی خالص خسارہ 76 فیصد بڑھ گیا۔
