پاکپتن ( پاک ترک نیوز) پاکپتن میں چک امیر آلوکا کے قریب تیز رفتار ڈمپر نے موٹر سائیکل سوار خاندان کو کچل دیا، حادثے میں میاں بیوی اور ان کا بیٹا جاں بحق ہوگئے۔تفصیلات کے مطابق پاکپتن میں چک امیر آلوکا کے قریب تیز رفتار ڈمپر نے موٹر سائیکل کو ٹکر مار دی، جس کے نتیجے میں موٹر سائیکل پر سوار تینوں افراد شدید زخمی ہوئے اور جانبر نہ ہو سکے۔
یہ بھی پڑھیں: بلاول بھٹو زرداری اور رانا ثناء اللہ جوڈیشل کمیشن کے رکن مقرر
جاں بحق ہونے والوں میں محمد احمد، ان کی اہلیہ اور بیٹا شامل ہیں۔حادثے کے بعد ڈمپر ڈرائیور موقع سے فرار ہوگیا۔ پولیس نے واقعے کا نوٹس لیتے ہوئے کارروائی شروع کر دی ہے، جبکہ فرار ڈرائیور کی تلاش جاری ہے۔
