بشکیک (پاک ترک نیوز) بشکیک میں ہونے والے شنگھائی تعاون تنظیم (ایس سی او) کے سربراہی اجلاس میں پاکستان کو 2026-27 کے لیے تنظیم کی سربراہی سونپ دی گئی۔اجلاس میں رکن ممالک کے سربراہان نے اعلامیے پر دستخط کیے، جبکہ وزیراعظم شہباز شریف سمیت دیگر سربراہانِ مملکت نے گروپ فوٹو بھی بنوائی۔وزیراعظم شہباز شریف نے اجلاس کے موقع پر سائیڈ لائن ملاقاتوں کا سلسلہ بھی جاری رکھا۔وزیراعظم نے چین، روس، ترکیہ اور ایران کے صدور سے ملاقاتیں کیں، جن میں اہم علاقائی اور عالمی امور پر تبادلہ خیال کیا گیا۔
یہ بھی پڑھیں: پانی کو سیاسی ہتھیار بنانا ناقابل قبول، عالمی معاہدوں پر عمل ضروری ہے: وزیراعظم
شہباز شریف نے بیلاروس، ازبکستان، تاجکستان اور قازقستان کے صدور سے بھی ملاقاتیں کیں۔وزیراعظم ہاؤس کے مطابق وزیراعظم شہباز شریف ایس سی او سربراہی کانفرنس میں توجہ کا محور بنے رہے اور مختلف عالمی رہنماؤں سے ملاقاتوں میں پاکستان کے مؤقف اور علاقائی تعاون کے فروغ پر گفتگو کی۔پاکستان اب 2026-27 کے دوران ایس سی او کی سربراہی سنبھالے گا، جس کے تحت تنظیم کے اہم اجلاسوں اور سرگرمیوں کی میزبانی میں پاکستان کا اہم کردار ہوگا۔
